Su paesàgiu de Sardigna presentat piessinnos vàrios meda e articulados, difìtzile mannu chi potzant èssere reconduidos a un'unitzidade e omogeneidade. S'elementu ùnicu de omogeneidade chi si podet agatare in su paesàgiu sardu est difatis "sa diversidade".
Su Pianu paesagìsticu regionale est istadu elaboradu sighende sos printzìpios detados in sas Lìnias ghia presentadas totu paris intre s'Assessore a sos Benes Culturales Elisabetta Pilia e s'Assessore a s'Urbanìstica Gian Valerio Sanna e aprovadas dae su Cunsìgiu regionale su 26 de maju 2005.
In coerèntzia cun sos detados normativos de su Decretu Lege de su 22 de ghennàrgiu de su 2004 n. 42 e cun sa lege regionale de su 25 de santandria de su 2004 n. 8, su Pianu paesagìsticu regionale est marcadu pro èssere unu progetu de amparu de sos valores identitàrios sardos.
Su mosàicu de sas emergèntzias istòricu-culturales est un'istrumentu de iscumbatamentu de su patrimòniu identitàriu de sa Sardigna, chi si proponet comente aina base pro lèghere sos paesàgios culturales de s'ìsula, cunsighèntzia de sa firma de unu protocollu de intesa intre Regione, Provìntzias, Soprintendèntzias, Archìvios de Istadu.
