Vìdeu
Sos filmados regortos in custa setzione pintant a manera fidele sa bida fitiana de su pòpulu sardu, in sas sagras religiosas maniosas, in sas festas, o in sas atividades traballosas de onni die.
Giai dae su 1899, cando pro sa prima borta una tzinepresa puntaiat s'obietivu suo subra sa Sardigna pro s'ocurrèntzia de sa vìsita de sos Reales de Savòia, medas documentàrios, film, tzinegiornales e servìtzios televisivos, ant retratadu sa cara de s'Ìsula e sos cambiamentos profundos suos, sos drammas suos e sas conchistas suas, sos paesàgios suos e sas traditziones suas. Una sienda audiovisiva manna a sa cale sa Regione abbaidat cun interessu particulare, promovende interventos de catalogatzione, digitalizatzione, recùperu e valorizatzione de documentos chi in parte manna benint dae sos archìvios de sa RAI, de s'Istituto Luce, de s'Istituto Superiore Regionale Etnografico de Nùgoro, fundamentale pro sa documentatzione demològica sarda. Àteros contributos de importu sunt postos a disponimentu dae Istitutziones, Entes, emitentes radiotelevisivas locales e dae privados.
Bae a sa versione in italianu pro bìdere sos vìdeos