Carbònia, zona archeològica de Monte Sirai

Àreas archeològicas

S'espressada "àrea archeològica" inditat unu logu in ue b'at presèntzias archeològicas de significu, organizadu siat pro costoire sos benes monumentales chi s'agatant in ie siat pro garantire su benefitziamentu de sas resursas naturales e culturales de su territòriu.

Sunt duncas logos chi tenent un'interessu archeològicu mannu, aprontados pro s’istùdiu e pro su turismu culturale. In Sardigna, che a "museu a chelu abertu" verdaderu , sunt paritzas sas àreas chi intrant in custa definitzione: sos cumplessos nuràgicos de Barùmini, Genna Maria de Biddanoaforru, Arrùbiu de Arroli, Santa Bitòria de Serri, Santu Antine de Turalva, Santa Cristina de Paule, sa tzitade fenìtziu-pùnica de Nora, Tharros, Santu Antiogu, sos monumentos romanos, bizantinos e giuigales de Casteddu e Portu Turres, sos iscavos de Santa Eulàlia in Casteddu, rapresentant feti unos cantos esempros, intre sos medas e prus de importu, presentes in s'ìsula.

Bae a sa versione in italianu pro bìdere sas àreas archeològicas