S'Alighera, su tzentru istòricu e sos bastiones

Itineràrios

Camineras culturales in s'ìsula

A connòschere sos benes culturales cheret nàrrere a los iscobèrrere a manera direta bidende su paesàgiu istòricu de sa Sardigna. In custa setziones est oferidu unu sèberu de itineràrios, artìsticos, archeològicos, literàrios e territoriales. Sa punna est de cussigiare unos cantos percursos pro sos tzentros istòricos, àreas archeològicas e monumentos de arte e architetura, pro acrarire comente mudant a lestru sas modas culturales in sos insediamentos urbanos, cunforma a sos tempos istentosos de sa traditzione in sos cuntestos rurales.

Archeològicos

Sa Sardigna est assentada in su coro de su Mediterràneu otzidentale. Custu at fatu a manera chi esseret giassu obligadu in sa rota de sas populatziones chi sunt lòmpidas: a pustis de sos Fenitzos sun bènnidos sos Cartaginesos, sos Romanos, sos Bizantinos, sos Ispagnolos e sos Piemontesos. Sunt adòbios, comente a àteros medas, de traditziones e culturas.

Artìsticos

Paris cun sos itineràrios artìsticos, cumpartzidos in temas o istudiados cunforma a sos territòrios, est proposta sa connoschèntzia de sa sienda culturale sarda. Dae s'època medievale finas a cudda cuntemporànea, s'arte in Sardigna tenet fatas de interessu desempladu, pro more finas de s'istòria sua piessignada. Cun su gòticu cadalanu intramus in su coro de sa cultura ispagnola.

Literàrios

Sos contadores de Sardigna sunt, forsis sena mancu l'ischire, guidas turìsticas de balia, capatzos de nche giùghere sos letores in sos cugiones prus cuados de sa cultura sarda:sos romanzos issoro, sos contados sunt difatis prenos de sos piessignos prus mannos de sos territòrios in ue sunt ambientadas sas istòrias. Dae sas rigas essint a campu fintzas produtos de sa coghina sarda.

Territoriales

Belle che unu continente. Sa Sardigna, in sa sensibilidade de s'iscritore Marcello Serra, est che pare a sas terras continentales non tantu pro sa mannària de sa superfìtzie sua, ma prus a prestu pro sa variedade de sos iscenàrios geogràficos chi bi sunt. Una richesa bàrria de unu sinnu identitàriu ùnicu e forte. Testimonias archeològicas antigòrias a curtzu a edifìtzios modernos.